Orozco e Castiñeira dispútanse Lugo
O PP saca 9 concelleiros pero sumando os dous de Ciudadanos non gobernaría. Orozco precisaría o apoio de Lugo Novo, do BNG e de ACE-EU para seguir na alcaldía.
Por Galicia Confidencial | Lugo | 24/05/2015 | Actualizada ás 22:23
Nin Jaime Castiñeira, nin José Clemente López Orozco saben aínda quen será o vindeiro alcalde da cidade. Polo momento, o mellor situado é o actual rexedor socialista pero, para continuar, precisaría dos apoiso de Lugo Novo e do BNG.
Con todo, o partido máis votado nas eleccións municipais é o PPdeG, con 9 concelleiros. Pola súa banda, o PSdeG queda con 8 edís. Por iso, os dous partidos dependerán dos pactos.
Nesta cidade irrumpiu con forza Lugo Novo, candidatura que agrupa a Anova e Compromiso por Galicia e que conta co respaldo de Podemos, que consegue 3 edís. O BNG queda con 2 edís. Tamén se estrearí no Concello de Lugo Ciudadanos, con dous concelleiros e ACE-EU, cun acta. En Lugo elíxense 25 concelleiros, de forma que a maioría absoluta está en 13 edís.
