Continúa aberto o prazo para que os mozos se inscriban no programa 'Outono Xove'

O prazo para inscribirse nas actividades do programa 'Outono Xove' destinado aos mozos galegos de entre 14 e 30 anos continúa aberto. Así, destacouno a conselleira de Política Social e Xuventude, Fabiola García, que visitou este domingo a algúns dos participantes no programa.

A iniciativa permite fomentar o lecer educativo entre os mozos durante os meses de novembro e decembro con varias actividades en diferentes instalacións xuvenís públicas. O programa inclúe aloxamento nun albergue ou residencia de tempo libre de venres a domingo, manutención completa e actividades, entre as que se atopan talleres fotografa e cinema, actividades de realidade virtual, espeleoturismo, entre outras.

A conselleira de Política Social, Fabiola García, durante a súa comparecencia na Comisión de Orzamentos. | Fonte: XOÁN CRESPO