Santalices anima á colectividade galega de Buenos Aires a "manter vivos" os seus vínculos con Galicia
Santalices empezou este domingo unha viaxe a Buenos Aires e Montevideo que ten como principal obxectivo a inauguración de varias exposicións sobre a historia do Parlamento do Galicia e visitará diferentes entidades da colonia galega en Arxentina e Uruguai.
Por Europa Press / Redacción | SANTIAGO DE COMPOSTELA | 10/12/2023 | Actualizada ás 18:40
O presidente do Parlamento de Galicia, Miguel Ángel Santalices Vieira, animou á colectividade galega en Buenos Aires a "manter vivos" os seus vínculos con Galicia, unha tarefa que se centra, principalmente, sobre os diferentes centros e entidades galegas que hai no país. Santalices empezou este domingo unha viaxe a Buenos Aires e Montevideo que ten como principal obxectivo a inauguración de varias exposicións sobre a historia do Parlamento do Galicia e visitará diferentes entidades da colonia galega en Arxentina e Uruguai.
Nesta xornada reuniuse con directivos e socios da Asociación Partido de Carballiño, de Buenos Aires e posteriormente desprazouse ao Centro Galego de Avellaneda. Ademais, nesta mañá, mantivo un breve encontro co rei Felipe VI, que está en Buenos Aires para asistir á toma de posesión do presidente de Arxentina, Javier Milei.
