Unha persoa ferida nunha saída de vía en Outes

Unha persoa resultou ferida nun accidente protagonizado por un vehículo que sufriu unha saída de vía cando circulaba polo termo municipal de Outes.

Segundo informou o CIAE 112 Galicia, o sinistro tivo lugar ás 13,00 horas deste mércores no quilómetro 78 da estrada AC-400, á altura de Valadares.

Ata a zona mobilizouse unha ambulancia de Urxencias Sanitarias 061 para atender a un dos ocupantes do coche, no que tamén viaxaba outra persoa que saíu ilesa.

Ao lugar tamén acudiron efectivos do GES de Noia para agardar a que chegase o guindastre encargado de retirar o turismo accidentado.

Ambulancia do 061-Urxencias Sanitarias de Galicia | Fonte: URXENCIAS SANITARIAS-061 - Arquivo