Rescatado un mariñeiro tras sufrir unha caída nunha zona rochosa de Muxía

Un mariñeiro foi rescatado na mañá deste xoves tras sufrir unha caída nunha zona rochosa de difícil acceso da parroquia de Touriñán, en Muxía.

Segundo a información do CIAE 112-Galicia, o suceso tivo lugar sobre as 12,40 horas deste xoves, cando o 061 pediu medios para evacuar a unha persoa que se caeu nunha zona de rocas de difícil acceso.

De inmediato informouse aos Bombeiros de Cee, á Garda Civil e Policía Local, aos membros do GES de Muros e a efectivos de Protección Civil. Tras ser rescatado, o mariñeiro foi trasladado polo persoal sanitario ao centro hospitalario de referencia.

Sala de operacións 112 Galicia | Fonte: XUNTA - Arquivo