Se sabes algo deste home avisa á Garda Civil, está desaparecido
Ten 56 anos e desapareceu en Vilagarcía de Arousa
Por Europa Press / Redacción | PONTEVEDRA | 13/05/2024 | Actualizada ás 21:38
As forzas e corpos de seguridade despregaron un operativo para atopar a Juan Manuel Rodríguez García, un home de 56 anos veciño de Vilagarcía de Arousa que leva desaparecido desde a mañá deste luns.
Foi un particular quen chamou ao 112 Galicia sobre as 17.40 horas da tarde para alertar de que este home faltaba da súa casa desde a mañá. Seguidamente, os efectivos do 112 solicitaron a colaboración da Policía Local de Vilagarcía, da Nacional, da Garda Civil e dos servizos municipais de emerxencias para dar co seu paradoiro.
Segundo a descrición facilitada por SOS Desaparecidos, Juan Manuel Rodríguez García mide entre 1,60 e 1,65, é de complexión grosa, presenta calvicie parcial con pelo canoso, ten ollos castaños e usa lentes.
