(Vídeo) As Tanxugueiras interpretan o himno galego nun partido que remata con derrota para Galicia

O partido que enfrontaba á Selección Galega contra Panamá este venres rematou coa derrota do equipo galego por 2 goles a 0. Iago Aspas foi baixa de última hora e, aínda que tentou probarse durante os exercicios de quencemento, non foi posible a súa saída ao campo. O capitán da Irmandiña pasou a ser Lucas Pérez, que tivo a primeira ocasión do partido, cun lanzamento directo de falta que atrapou o porteiro Mosquera. Os panameños replicaron cun cabezazo de Guerrero que detivo Iván Villar.

Durante a primeira parte Jonny cometeu un penalti sobre Martínez e Davis non perdoou. Lucas Pérez tivo nas súas botas a oportunidade do empate, pero Mosquera parou o intento. Pouco despois tivo outra clara oportunidade Manu Justo, pero o delanteiro do Racing de Ferrol tampouco foi quen de marcar. Panamá, pola contra, aproveitou un saque de esquina e anotou o 2 a 0, da man de Miller.

A pesares da derrota, a emoción de volver ver á Irmandiña despois de tantos anos fixo que Balaídos festexase durante todo o partido. Dende a interpretación do himno galego da man das Tanxugueiras, a festa non parou nin un intre. Agardemos poder ver moitos máis partidos da Selección Galega pronto, mentres tanto, por aquí vos deixamos un bonito recordo:

 

 

 

 

Ver esta publicación en Instagram

 

 

 

 

 

 

 

 

 

 

 

Una publicación compartida de Galicia Confidencial (@galicia_confidencial)