Arde a terraza exterior dun restaurante en Ribeira

Efectivos de emerxencias tiveron que intervir na tarde deste domingo na extinción dun incendio rexistrado na terraza exterior dun restaurante, que se atopaba pechado ao público. Segundo a información do Consorcio Contra Incendios e de Salvamento da Coruña, o lume iniciouse na terraza exterior traseira dun restaurante situado na parroquia de Carreira.

No operativo participaron os bombeiros do parque comarcal provincial de Ribeira, o SPEIS de Ribeira e o Grupo de Emerxencias e Acción Municipal (GAEM) da mesma localidade. No momento dos feitos, o local estaba pechado ao público. As chamas afectaron á grellada e ás mesas de madeira, así como á fachada.

Un camión de bombeiros nas inmediacións onde se derrubou a parede dun edificio m | Fonte: Javier Vázquez - Arquivo