Expourense acollerá o 'VII Car Outlet Ourense' do 9 ao 11 de maio
Contará con 15 concesionarios de ACAUTO que representan a un total de 27 marcas.
Por Galicia Confidencial | Ourense | 04/05/2025 | Actualizada ás 10:00
O VII Car Outlet Ourense, que ía ter lugar en Expourense os días 25, 26 e 27 de abril, celebrarase definitivamente entre o 9 e o 11 de maio.
Para esta edición está confirmada a participación e 15 concesionarios de ACAUTO que representan a un total de 27 marcas. Expourense, que acolle este evento, avanza que nel poderanse atopar as mellores oportunidades do mercado de vehículos de ocasión e segunda man con todas as garantías que brindan os concesionarios oficiais.
O horario de apertura do salón será venres 9 de maio de 11:00 a 20:30 h., sábado 10 de 10:00 a 20:30 h. e o domingo 11 de maio de 11:00 a 20:00 h. A entrada terá un custo de 3 euros, sendo gratuíta para os menores de 12 anos. Haberá ademais Servizo de Ludoteca Gratuíto.
CAMBIO DE DATAS DO CAR OUTLET OURENSE
As dúas entidades organizadoras desta cita, Expourense e a Asociación de Concesionarios de Automóbiles de Ourense (ACAUTO), decidiron adiar este evento logo do repentino falecemento do presidente, Ramón Seijas Pérez. Ramón Seijas foi un dos principais promotores e valedores tanto do Car Outlet como dos dous Salóns do Automóbil (Novo e de Ocasión) que se celebran no recinto nos meses de outubro ou novembro.
Expourense lamenta profundamente este pasamento, agradecéndolle todos estes anos de estreita cooperación no seu papel á fronte de ACAUTO e trasmitíndolle ao mesmo tempo todo o seu ánimo e apoio á xunta directiva desta Asociacón.
