Dous feridos, un deles excarcerado, tras un choque frontal en Ponte Caldelas

Dúas persoas resultaron feridas, unha delas quedou atrapada, tras unha colisión frontal entre dous vehículos na PO-244, ao seu paso por Ponte Caldelas. Segundo informou o 112 Galicia, o suceso produciuse sobre as 01.00 horas deste sábado e foron varios particulares os que alertaban dun choque frontal entre dous turismos.

Ata o punto desprazáronse os profesionais sanitarios, os Bombeiros do Morrazo e os axentes da Garda Civil. Unha vez no lugar, os equipos de emerxencia confirmaron que unha das persoas necesitaba ser excarcerada. Tras finalizar a intervención as dúas persoas feridas foron trasladadas ao centro hospitalario de referencia.

Ambulancia do 061 | Fonte: Urxencias Sanitarias - Arquivo