Falece un motorista tras adiantar en liña continua e chocar contra un turismo en Padrón
Outro home ten que ser excarcerado tras saír da vía en Moeche.
Por Europa Press / Redacción | SANTIAGO DE COMPOSTELA | 08/06/2025 | Actualizada ás 20:21
Un motorista, de 65 anos, perdeu a vida tras adiantar en liña continua e chocar contra un turismo na AC-242, en Carcacia, no municipio coruñés de Padrón. O suceso, segundo o 112 Galicia, produciuse sobre as 18.20 horas deste domingo e foi un particular o que deu a voz de alarma e detallou que o motorista se atopaba no chan inconsciente.
No operativo participaron os profesionais de Urxencias Sanitarias de Galicia-061, o Grupo de Emerxencias Supramunicipal (GES) de Padrón, a Garda Civil de Tráfico, a Policía Local e os efectivos de Protección Civil.
OUTRO ACCIDENTE EN MOECHE
Por outra banda, outra saída de vía na localidade de San Xoán, en Moeche, rematou co conductor do veículo ferido grave. Foi necesario un equipo de excarceración para sacalo do coche. O home saíu da vía e caíu por un terraplén.
