O BNG esixe ao Goberno aumentar ao 50 % o financiamiento da Lei de dependencia, como compremeteu no acordo da investidura

O deputado do BNG no Congreso, Néstor Rego, formulará na próxima sesión de control ao Goberno central unha pregunta dirixida ao Ministerio de Dereitos Sociais, Consumo e Axenda 2030 para esixir o cumprimento do compromiso de que o Estado asuma o 50 % do financiamento das accións previstas na Lei de atención á dependencia. Nun comunicado, o BNG lembrou que esta é unha das medidas recollidas no acordo de investidura. Por iso, preguntará cales son as previsións do Goberno para cumprir o compromiso de financiamiento do 50 % das accións previstas na Lei de atención á dependencia.

Rego reclamará que o Executivo que dirixe Pedro Sánchez "cumpra a legalidade" e tamén os "compromisos políticos" asumidos co BNG. "Aínda que o orzamento en materia aumentou tras a firma do acordo de investidura, o Estado segue sen alcanzar a porcentaxe comprometida, situándose por baixo do que marca a lexislación vixente", apuntou Rego. "É hora de que o Goberno do Estado cumpra coa súa parte, tanto a legal como a política", remarcou o deputado nacionalista, á vez que incidiu en que a dependencia "non pode depender" exclusivamente do esforzo das comunidades autónomas e dos concellos.