Controlado o incendio declarado este domingo en Lalín, e que afectou finalmente a 3,5 hectáreas
Por Europa Press / Redacción | SANTIAGO DE COMPOSTELA | 16/06/2025 | Actualizada ás 09:55
O incendio declarado pasado o mediodía deste domingo no municipio pontevedrés de Lalín permanece controlado desde última hora da pasada tarde, segundo informaron fontes da Consellería do Medio Rural.
Así, as mesmas fontes detallaron que o lume, que finalmente afectou a unhas 3,5 hectáreas na parroquia de Vilatuxe, está controlado desde as 19.27 horas deste domingo, e que a maior parte da área queimada é monte raso.
Neste incendio interviñeron dous técnicos, cinco axentes, 14 brigadas, oito motobombas, tres helicópteros e catro avións.
Segundo sinalaban fontes da Consellería nas últimas horas, o foi comezou en tres puntos de modo simultáneo, o que leva a pensar que podería ser intencionado.
