Continúa ingresado o home apuñalado en Ferrol aínda que está fóra de perigo

O home apuñalado o mércores en Ferrol, na zona de estacionamento público que hai fronte ao hospital Arquitecto Marcide, está fóra de perigo e permanece ingresado tras ser intervido cirurxicamente.

O suceso de produciu ao redor das 18.30 horas deste mércores, cando unha das persoas que piden propina a cambio de axudar a aparcar na zona do hospital asestou unha puñalada a un home de 46 anos.

O agresor abandonou o lugar e a vítima entrou en Urxencias para ser atendido polo persoal sanitario.

Varios Axentes da Policía Nacional | Fonte: Rober Solsona - Arquivo