Unha muller morre afogada na praia de Area Maior, en Muros (A Coruña)

Unha muller duns 40 anos de idade faleceu este domingo afogada na praia de Area Maior, no municipio coruñés de Muros, a onde se desprazaron os servizos sanitarios que nada puideron facer por salvar a súa vida.

Segundo informaron fontes sanitarias, o suceso tivo lugar sobre as 15,09 horas e, ao lugar, se desprazou unha ambulancia asistencial e un helicóptero do servizo de Urxencias Médicas 061, así como persoal sanitario do PAC de Muros.

A morte desta muller prodúcese nunha fin de semana no que foron numerosas as alertas relativas a bañistas en situación de perigo, como o caso das catro persoas rescatadas a ultima hora do sábado na praia de Lapamán, en Bueu, ou as dúas persoas trasladadas en helicóptero ao CHUS tras ser rescatados nas praias de Carnota e Ancoradoiro, na Coruña.