Os problemas da nova Xunta

A pesar dos chamamentos feitos polo novo presidente ao anterior executivo para que apuraran a súa saída, o certo é que mes e medio despois da súa toma de posesión hai áreas importantes para as que non topa os perfís adecuados...

Por Galicia Confidencial | Galicia | 12/05/2009 | Actualizada ás 08:50

Pero hai tres áreas sensibles do novo goberno que seguen vacantes a pesar da súa importancia estratéxica: Dirección Xeral de Cultura, Secretaría Xeral de Política Lingüística e Secretaría Xeral de Comunicación. A pesar das numerosas sondaxes feitas, mesmo polo propio Feijóo, os resultados teñen sido infructuosos ata o momento.

E especialmente complicado está sendo para os conselleiros de Cultura e Educación atopar as persoas adecuadas para facerse coas áreas de Cultura e Lingua; as patatas quentes da nova Xunta. E é que o mundo da cultura e da ensinanza está en pé de guerra desde que o PPdeG utilizara como baza electoral a derogación do decreto do galego. Semella que xogar coa lingua neste país "é moi perigoso", tal e como apuntan nos mentideiros culturais do país.

Nestas semanas teñen sido moitas as persoas "tocadas", principalmente da órbita socialista e nacionalista, para levar as rendas da cultura e da lingua, pero ata o momento, todas teñen dito que non. O argumento é moi semellante en todos; non sentirse representados coas sensibilidades culturais e lingüísticas do novo goberno.

Roberto Varela, o novo conselleiro de Cultura, é o que máis problemas tivo para conformar equipo. E é que Varela foi unha das segundas opcións de Feijóo para este departamento logo das negativas de importantes persoeiros da cultura, como foi o caso de Ramón Villares. O novo conselleiro viña para xestionar a Cidade da Cultura e tivo que facerse coas rendas de todo o departamento. Ata o pasado xoves a estructura básica da súa consellería non estaba definida: os directores xerais de Patrimonio Cultural, Turismo e Xacobeo foron nomeados no Consello da Xunta do Xoves e no seu nomeamento ten moito que ver o PPdeG. Falta aínda nomear a quen vai dirixir a política cultural e tamén a quen vai xestionar a Cidade da Cultura, un tema que Feijóo evitou abordar durante o seu discurso de investidura e do que tenta fuxir nas distintas entrevistas feitas.

No caso de Política Lingüística atopar un candidato aínda vai ser moito máis difícil. Polo momento, ninguén quere facerse co que todos din que é un "marrón" e dende a Xunta xa están pensando nun perfil "máis político que académico" para que ocupe este posto.

Tamén hai dificultades para cubrir a Secretaría Xeral de Comunicación e a dirección xeral da CRTVG. Feijóo non atopa o perfil adecuado para levar as rendas da comunicación, a pesar de que candidatos non lle sobran. Para este posto teñen sonado desde Lois Blanco, Luis Pérez e mesmo Sánchez Izquierdo, que tamén rexeitou dirixir a CRTVG. Polo momento é a coordinadora de Comunicación da Executiva popular, Mar Sánchez, a encargada de dirixir as tarefas comunicativas da Xunta. Nesta situación, os populares temen que sexan os cargos nomeados polo anterior bipartito os encargados de pivotar os espazos electorais das vindeiras europeas, unha situación que incomoda a uns e a outros no ente público.

18 UN XUNTEIRO

Concordo con cáseque todo o que dí UN MAIS,pero como deixas algunhas cousas vou completalas xa que penso que eu ando máis pola Xunta que tí.

Na ringleira de recuncados hai que engadir os nomes de Gamallo, Lete, Martiñán, Valeriano e a máis recente incorporación, Cabaleiro. Pero seguro que a cousa non queda ahí. Teño para mín que nestes días o señorito vai chamar a Portomeñe., Pérez Varela, Miras, Castelao Bragaña, Murga, é dicir, o mellorciño da gloriosa etapa fraguista, como se sabe, todos eles persoeiros bos, xenerosos, altruistas, amantes de Galicia e dos galegos, todos moi nomeados polas súas desinteradas accions a prol da cultura (véxase senon a man benfeitora de Pérez Varela no affaire do mausoleo da cidade cultural), ou a prol da galeguida e mesmo os emigrantes para outros dos citados. Por certo, tamén tes que chamar, Albertiño, a "ex" do gan Pablito Figueroa, aquela dama tan siñificada e atenta coas menudencias persoais do patriarca, cando era a súa xefa de gabinete.Por certo, sabedes que segundo sae no último boletín da CIGA este novo Goberrno mantén o soldo de máis de 50 mil euros para unha señora. a gobernanta da mansión presidencial de Príncepe Pío, na que ven traballando dende os tempos da inauguración ata hoxe?. Esa señora, que pola súa categoría profrsional non debería gañar máis duns 20 mil euros, cobra 30 mil de maís todo porque está nun posto grazas a man xenerosa da tal Regueiro, esa "ex"
do benquerido Figueroa. Eso sí que é ser bo cos amigos/as, hai postos vitalicios e soldos acordes coas categoráis, non faltaría máis, para que logo se diga que non funcionan alguns amigos e os enchufes!.

Agora en serio. A conclusión que temos os cidadans galegos de todas estas componendas e mejunjes é que estamos de xeito permanente, sen apanas remudas, en mans dunha panda, sempre a mesma, de indeseables, que traballan na máis completa impunidade facendo e desfacendo ao seu antoxo, cunha oposición muda e cega, mirando para outro lado quizaís para tapar as vergonzas similares. !Pobre Galicia, que pouca sorte tés cos malfeitores, tramposos e badulaques que che cairon en sorte!.

17 UN XUNTEIRO

Concordo con cáseque todo o que dí UN MAIS,pero como deixas algunhas cousas vou completalas xa que penso que eu ando máis pola Xunta que tí.

Na ringleira de recuncados hai que engadir os nomes de Gamallo, Lete, Martiñán, Valeriano e a máis recente incorporación, Cabaleiro. Pero seguro que a cousa non q

16 anonimus

canto choromiqueiro temos na nosa Galicia...lles fode que os seus,os nosos,votaran o que eles non querian.Esta e a democracia meus parruliños.

15 UN MAIS

Vendo o que está pasando na Xunta coas repeticions de caras que algúns criamos xa desaparecidas de S. Caetano, esto ou é unha tomadura de pelo para os que se deixaron enganar con promesas de
cambio, ou é que estamos os galegos condanados a ter que soportar aos mesmos de sempre, esa caterva de tocados da fortuna que estarán mangoneándonos sempre. A verdade é. Feijoo, que non estuveches moi inspirado ao recurrir a algúns das túas figuras, esas nas que supostamente ías forxar o cambio político. Caras como as de un Pablo Figueroa, un Bouzada,Veloso, e algúns máis fannos pensar que o é que tés pouca imaxinación e recurres ao máis doado, ou aceptas con moita facilidade as presions que te chegan, ou queres pagar favores anteriores, ou en definitiva esto che importa un bledo.

Se é certo que apelaches a Villares é que por sorte para a cultura galega él rexeitou a túa oferta, ben se ve que andas curto de vista e de equipo!.

Por último,se no capítulo de as novidades inclúes a xentes como un ex falagista ou a filla dun nomeado e moi coñecido franquista alcalde por vida dunha pequena viliña, é concluinte a impresión que saco de que todo isto che importa unha m
e que nos estás enganando vilmente!

14 castro

a ser posibel se quere medrar sexa vostede mediocre, falsee o seu curriculo e dealle coba ao secretario xeral de turno, eso si non se lle ocurra mentar que sabe algo ou non vaia a estar preparado eso non vale. Se por riba eres muller ou varón de mais de 50 anos esquecete de todo so estas para facer o traballo e que brilen os lamecus de toda a vida. Cambio ¿ qué cambio? se seguen os de sempre, a estas alturas de novo goberno seguen mantendose os mesmos que estaban, así que ......