O programa de formación online 'Se dixital' axudará aos comerciantes ourensanos a expandir as súas liñas de negocio

O Concello de Ourense, a través dun convenio de colaboración coa Escola de Organización Industrial (EOI) e Orange España, puxo en marcha o programa 'Sei Dixital' de formación online para potenciar habilidades dixitais entre os cidadáns e desenvolver o ecosistema dixital.

Na presentación do proxecto, o alcalde da cidade, Jesús Vázquez, destacou a "oportunidade que representan plataformas como esta, gratuíta e aberta para todos os cidadáns, para o desenvolvemento do tecido económico da cidade", especialmente.

Xunto ao rexedor, estiveron presentes o xerente de Relacións Institucionais da Zona Norte de Orange España, Óscar Aragón; e o xefe de Proxectos Estratéxicos da EOI, Javier Moreno. Ademais, tamén acudiron a coñecer a iniciativa ao Concello integrantes de diferentes colectivos de comerciantes da cidade, como a Cámara de Comercio, o Centro Comercial aberto, o centro comercial Ponte Ver ou a asociación de comerciantes da Praza de Abastos.

'Se Dixital' está orientado ás necesidades reais dos cidadáns, profesionais e comerciantes locais coa finalidade de que desenvolvan habilidades dixitais que os axuden a facer negocios dende a súa localidade. Os contidos do programa son de alta calidade e coas últimas técnicas audiovisuais. Ademais, conta con expertos e especialistas de renome, adaptados á realidade da zona.