A empresa Sancosa doará 600 tortas de Santiago á Fundación Amigos de Galicia para familias con carencia de recursos

A empresa Sancosa doará este mércores 600 tortas de Santiago á Fundación Amigos de Galicia destinadas a familias en situación de carencia de recursos económicos que a entidade atende na bisbarra compostelana.

Segundo informa a Fundación Amigos de Galicia, destinará estas tortas a todas as familias "en situación de carencia de recursos económicos" que a entidade atende na bisbarra de Santiago "e ás familias con máis nenos de Galicia para que poidan recibir o exquisito doce nestas datas", segundo concreta.

O acto de doazón destas tortas terá lugar este mércores, 4 de xaneiro, ás 12,00 horas no Obradoiro de Sancosa en Santiago de Compostela.

A empresa Sancosa é coñecida polos bombóns 'Pedras de Santiago' e as 'Tortas de Santiago'. O seu propietario é o empresario compostelano e patrón da Fundación Amigos de Galicia, Emilio Santasmarinas.