Por gcdeportes | Lugo | 16/05/2017 | Actualizada ás 20:47
Máis de tres décadas tardou a mítica pista galega en organizar o seu primeiro torneo oficial. Despois de moitos anos de conversas sobre o tema, o pasado 2016 a asociación da Pista Roja Lugo decidiuse a organizar o seu primeiro campionato oficial. Non houbo sorpresas, o éxito foi maiúsculo: os asistentes vibraron cun gran nivel de baloncesto (xogadores que este ano tiveron un gran rendemento nas ligas LEB e na EBA) e desfrutaron dun grandísimo espectáculo coroado polo espectacular concurso de mates.
Este segundo ano as expectativas son se cabe maiores: os recordos, vídeos e fotos do ano pasado fan que moita xente estea facendo a conta atrás para o 17 e 18 de xuño.
O prazo de inscrición xa está aberto e de novo serán 20 equipos os que loiten por un título máis prestixioso que económico: fiel á filosofía de altruismo e amateurismo da pista vermella.
Convite aberto para a terceira finde do mes de xuño! Reservade as datas nas vosas axendas e neste tempo aproveitade para botar un ollo ós espectaculares materiais audiovisuais do ano pasado... Atoparédelos sobre todo no facebook da Pista Roja Lugo e na canle de youtube PISTAROJA LUGO.
Artigo de Guido Álvarez (@guidoalvarezp)
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.