A CEC informa este martes sobre o novo sistema de subministración inmediata de información para a xestión en liña do IVE

A Confederación de Empresarios da Coruña (CEC) celebrará este martes, 13 de xuño, unha xornada informativa sobre 'O novo Sistema de Subministración Inmediata de Información (SII)', coa participación da Agencia Tributaria (AEAT) e a empresa Enxendra na que se informará sobre o novo sistema de subministración inmediata de información para a xestión en liña do IVE.

O presidente da CEC, Antonio Fontenla, e a delegada especial da AEAT en Galicia, María Imelda Capote, inagurarán a xornada a partir das 18,30 horas na sede da patronal coruñesa.

A AEAT puxo en marcha a Subministración Inmediata de Información -IVE en liña, que entrará en vigor o próximo 1 de xullo. Segundo sinala a CEC, o novo sistema "obrigará ás empresas a remitir electronicamente, nun prazo máximo de catro días hábiles, o detalle das facturas emitidas e recibidas, incluíndo as simplificadas ou billetes".

Puntualmente, a AEAT estendeu este prazo a oito días naturais durante 2017. "Ante o gran reto que implica cumprir con este sistema e a proximidade da súa entrada en vigor", segundo indica a patronal coruñesa.

Así, a CEC organiza esta xornada que estará impartida pola administradora da AEAT da Coruña María Pilar Estramil, e o CEO de Enxendra, Brais Méndez, que falará sobre a solución informática para a implantación do SII.