Prophets of Rage, Megadeth, Ghost, Sick of it All e Paradise Lost súmanse ao Resurrection Fest 2018

Logo dunha primeira quenda con Kiss, Scorpions e Stone Sour á fronte, o galego Resurrection Fest, que terá lugar do 11 ao 14 de xullo en Viveiro (Lugo), anuncia este venres unha nova quenda de confirmacións encabezada por Prophets of Rage, Megadeth e Ghost.

Prophets of Rage, o supergrupo formado por membros de Rage Against The Machine e as voces de Public Enemy e Cypress Hill, presentará o seu primeiro disco e, ademais, lembrará todos os himnos das súas lendarias bandas.

Ghost son outro dos principais reclamos do festival. O gran Papa Emeritus e os seus Nameless Ghouls pisarán por primeira vez Viveiro e farano nunha única data exclusiva para toda a Península, prometendo unha boa cerimonia para todos os fregueses resus.

Dave Mustaine e os seus rexuvenecidos Megadeth volverán en 2018 após ser cabezas da edición de 2014. Hoxe en día co virtuoso Kiko Loureiro na machada e Dirk Verbeuren á batería, presentando o seu último traballo, Dystopia, e interpretando todos os clásicos.

Fieis á súa cita con Viveiro cada catro anos, Sick of it All volverán en 2018 após estar nas edicións de 2006, 2010 e 2014. Tamén desde Reino Unido, Paradise Lost debutarán no festival para presentar o seu último traballo, Medusa, e lembrar por que son pioneiros do death-doom.

A falta dunhas "poucas últimas bandas", o cartel complétano por agora Wolves In The Throne Room, Eyehategod, Process of Guilt, Turnstile, Stray From The Path, Wolfbrigade, Authority Zero, Crystal Lake, Oni, Niña Coyote Eta Chico Tornado, Agoraphobia, Cuchillo de Fuego, Rise to Fall, Barbarian Prophecies, Golpe Radikal, Amenaza de Muerte, Vörtex e Noah Histeria.

Estas fichaxes súmanse aos xa confirmados de Kiss, Scorpions, Stone Sour, Ministry, At The Gates, Anti-Flag, Overkill, Alestorm, Exodus, Riot Propaganda, Zebrahead, Saint Vitus, Suffocation, God Is An Astronaut, Thy Art Is Murder, Cancer Bats, Evergreen Terrace, Stick To Your guns, The Qemists, Leprous, Voodoo Glow Skulls, Rise of the Northstar, Igorrr, Stoned Jesus, Monolord, The Lurking Fear, Rotten Sound, Jinjer e Harakiri For the Sky.

Completan a proposta Get The Shot, Rolo Tomassi, Mars Rede Sky, The Voynich Code, Nostromo, Imperial Jade, The Wizards, Sugus, Dawn Of The Maya, Teksuo, Trono de Sangre, Somas Cure, Bellako, Against The Waves, Malämmar, Ósserp, Ciconia, Aposento, Bloodhunter, Aathma, Ànteros, Santo Rostro, Boneflower, Los Montañeros de Kentucky e Pandemia.

Con máis do 60 sesenta de abonos de tres días vendidos e con menos de 3.000 de entradas para venres e outras tantas de sábado, "todo indica que se vai a por outro 'sold-out".