A Xunta quere afogar socialmente aos funcionarios da Xustiza e acúsaos de ser uns privilexiados

Feijóo advirte que non mudará as condicións económicas presentadas. “Aínda que cambien de interlocutor, non se lle vai subir máis o salario”, dixo ao tempo que advertiu dos comportamentos “dalgunhas centrais negociadoras”.

Por Xurxo Salgado | Compostela | 22/02/2018 | Actualizada ás 15:39

Comparte esta noticia

“Non se lle vai subir máis o soldo”. Máis claro e máis contundente non puido ser o presidente da Xunta sobre a folga indefinida que desde hai máis dunha semana manteñen os funcionarios de Xustiza. Unha folga que, como xa adiantou GC, o Goberno da Xunta quere afogar utilizando só o argumento económico e trasladando a imaxe, a través dalgúns grandes medios de comunicación, de que son uns privilexiados por pensar só no diñeiro.

Xulgado baleiro na primeira folga da xustiza en Galicia
Xulgado baleiro na primeira folga da xustiza en Galicia

Así, repetiu que non haberá un cambio de interlocutores, a pesar de que os sindicatos queren negociar directamente co conselleiro Rueda. “Calquera interlocutor que sexa non lle vai subir máis os soldos”, insistiu na rolda de prensa posterior ao Consello da Xunta. E mesmo foi máis alá ao acusalos de ser uns privilexiados e de “tentar cobrar máis que outros funcionarios que sacaron a mesma oposición ca eles e traballan noutras áreas”. “Queren cobrar máis que a maioría dos funcionarios de Galicia e do Estado”, insistiu.

NON FALOU DAS 5 REIVINDICACIÓNS

Feijóo en ningún momento falou das cinco reivindicacións que reclaman os funcionarios: a equiparación salarial dos funcionarios galegos cos do resto do Estado, a creación de novas prazas, a consolidación das prazas de reforzo, mellorar as condicións dos substitutos e que os funcionarios teñan as mesmas condicións nas baixas que no caso de maxistrados, fiscais e letrados. Reduciu toda a problemática a unha cuestión económica.

E, novamente, volveu a acusalos de “desprezar” a suba de 1.000 euros anuais proposta. “É a maior oferta que se fixo nos últimos anos desde unha administración, a maior da última década e non a aceptan”, repetiu ao criticar que eses 1.000 euros  “é o que gañaría un mileurista nun mes” e os funcionarios “é o que gañarían de máis ao ano”.

Negociacións pola folga da xustiza en Galicia
Negociacións pola folga da xustiza en Galicia

AVISO SOBRE A CUT

Así, volveunos a acusar de ser os responsables de que non haxa acordos “por levantarse da mesa” e advertiu que a Xunta non cambiará os seus interlocutores. É máis, advertiu sobre os comportamentos “dalgunhas centrais sindicais”. “Dicir que non queren aos nosos negociadores é coma se nós dicimos que non pode negociar o seu xefe de negociadores que é da CUT”, dixo tentando acusar a este sindicato dos problemas que existen. 

Feijóo dixo estar aberto ao diálogo pero “desde a racionalidde e o sentido común”. E volveu a advertir que non haberá cambio nas condicións económicas porque “nin este, nin ningún goberno podería aceptar a suba que piden”. 

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 9 comentarios

5 Fernando G

Unha pregunta para os liberados sindicais que están a aniquilar a Xustiza. Poden facilitar a ligazón do lugar onde podemos consultar as súas nóminas?

4 Minhamamainhadoceo

Primeiro incluía a Ceuta e Melilla como comunidades autónomas e deixaba a un lado a Euskadi. Agora di que ningún goberno podería aceptar a suba que piden, polo que está a excluír a Madrid e Asturias. Frijolito está facendo unha reforma territorial do Estado de costas a Marianico e non nos estamos decatando. Están tolos estes romanos!

3 Funcionario

Sr. Presiden, Sres. Conselleiros y demáis mandatarios da Xunta de Galicia, non ides lograr q se rache a unidade dos funcionarios de xustiza coas súas mentiras e trapalladas, haberá alguén q lles crea pero nos sabémola verdade e con iso cada vez q "falan" facémonos máis e máis fortes, asique menos demagoxia e máis traballar, q para eso gaňan vostedes esos soldos desorbitados.

1 Ciudadana

Apoio totalmente a os funcionarios. Aunque me perxudique personalmente. Pues se me suspendió un juicio dos veces. Y a saber cuando volverán a darme cita. Ni un pasó atrás a Loira e o único camiño

2 Yoli

Pobres funcionarios, que queren que lles suban o soldo un 15% e só lles ofrecen un 4%. Solidariedade total, estou por empezar unha folga de fame por eles jajajajajajajajaja

1 Antón

Ëche millor facela polos merendiñas da Xunta. Eles papan; ti pasas fame; eles contentos; e ti tamén Éche ben doado poñerse de parte do que máis pode!! Logo xa cho agradecerán pasándoche a man polo lombo, e dándoche unha esmoliña!

1 Cidadán

En realidade están a afogarse eles sós. Por unha banda néganse a exhibir á sociedade os seus honorarios REAIS xunto co horario que de VERDADE cumpren. Por outra banda a súa prepotencia ao antepoñer o aumento dos seus privilexios fronte ao dereito cidadán á Xustiza xunto con certos comportamentos concretos han logrado que case todo o mundo lle da razón a Feijóo.

1 Cidadán

Os honorarios reais estan publicados hoxe na voz de galicia dixital, o dereito á xustiza ten q garantizalo o estado e, non os funcionarios, q tamén son cidadadans, e o q lle quera crer a Feijoo q lle crea cada quen saca a venda dos ollos cando quere.

2 Minhamamainhadoceo

Dinos ti tamén canto cobras por estar en nómina da mafia do PP para facer estes comentarios favorables aos teus donos nas redes. Vaia pérdida de tempo o teu miserable traballo. As nosas nóminas son públicas e aínda así lle damos copia delas aos medios, fenómeno. Deixa de pintar a mona que xa cheirades! Deixa de obedecer a voz do teu amo e ten a decencia de escoitar aos funcionarios de Viveiro, que hoxe falan moi claro na prensa.