Feijóo acode á saída da L Edición do Descenso Internacional do Miño, na súa localidade natal dos Peares

O presidente da Xunta, Alberto Núñez Feijóo, acompañado da secretaria xeral para o Deporte, Marta Míguez Telle, asistiu á saída da L Edición do Descenso Internacional do Miño, que tivo lugar na súa localidade natal dos Peares (Ourense).

Segundo informou a Xunta, inicialmente o evento tivo lugar sobre a Ponte do Miño-Sil. Posteriormente, Feijóo trasladouse á nova pasarela, desde onde presenciou o resto da carreira.

Antes da saída, o titular do Executivo autonómico, que visita a súa localidade natal a mesma semana na que anunciou que quedará en Galicia e que renuncia a optar a liderar o PP, saudou aos participantes que se trasladaron á entrada do río.

No seu perfil de 'Twitter', o presidente colgou unha imaxe na que se lle pode ver cun megáfono e escribe: "Na casa, nos Peares, animando aos participantes no Descenso Internacional do Miño". "Desbordan ilusión e esforzo", conclúe.