Campaña contra Inditex pola "substitución de traballadoras por máquinas de autocobro" en Zara e Lefties

A CIG inicia unha serie de accións na Coruña para concienciar aos clientes das "graves consecuencias que iso ten para o emprego".

Por Galicia Confidencial | A Coruña | 03/07/2018 | Actualizada ás 13:09

Comparte esta noticia

A CIG-Servizos vén de anunciar o inicio dunha campaña contra Zara España, S.A. na provincia da Coruña pola "decisión da empresa de instalar máquinas de autocobro nas tendas, substituíndo así as traballadoras", denuncian.

Zara de Marineda City, na Coruña.
Zara de Marineda City, na Coruña.

A campaña comezará cun reparto informativo nos comercios de Zara e Lefties de Marineda City, onde este sistema xa comezou a funcionar, para concienciar a clientela das "graves consecuencias que iso ten para o emprego".

“Sabemos que este é o principio e que Inditex tentará implantar este sistema paulatinamente no resto das súas cadeas”, advirten Esther Paz Lestón e Miriam Rego, do comité de empresa.

Segundo explica Carminha Naveiro, tamén membro do comité e da executiva de CIG-Servizos, nas tendas de Zara e Lefties do Centro Comercial Marineda, a dirección Inditex decidiu instalar 14 caixas de autocobro nas que “as clientas fan as funcións das traballadoras, autocobrando e autoemboslando a súa propia compra, aforrándolle así a Inditex a contratación de caixeiras”.

Lembra que desde a CIG se lle solicitou á dirección de Zara España S.A. en distintas ocasións a retirada destas caixas porque “todas vemos como a avaricia das grandes empresas como Inditex, en vez de reverter os millóns de beneficios na creación de postos de traballo nas propias tendas os destrúen para seguir gañando miles de millóns”.

Advirten, pois, da "destrución de postos de traballo" e aseguran que “non podemos quedarnos quietas mirando como unha empresa como Inditex deteriora paulatinamente as nosas condicións laborais”.

Piden, ademais, a colaboración da clientela para que “cada vez que faga unha compra, antes de pagar nunha caixa de autocobro pense primeiro nos postos de traballo que se perden aumentando os millóns de beneficios de Inditex a conta da nosa precariedade e da perda de postos de traballo no futuro”.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 4 comentarios

3 Aarón

Eroski, carrefour, ikea, gasolineras, peajes llevan mucho tiempo con cajas de autocobro...

2 anonimo

excelentes noticias as traballadoras realizan tarefas repetitivas que non requiren cualificación e non son necesarias. Agora poden dedicarse a estudar e aprender algo que realmente contribúe á sociedade.

1 Anónimo

A creación e mantemento de maquinas de autocobro tamén xeneran postos de traballo. Ademais é traballo cualificado: enxenheiros, informaticos, personal técnico de mantemento,... A CIG debería preocuparse mais por manter estes novos postos de traballo cualificado en Galicia, e contribuir o desenvolvemento da nosa comunidade. O problema é que a CIG soamente está preocupada de manter os seus privilexios sen ter en conta os verdadeiros intereses da sociedade galega.

1 eumesmo

claro.. e ti es un de eses enxenheiros ou informatico non?' o que se debia facer era non ir e punto.. que comeran as maquinas.