O candidato do PP en Ferrol di que só gobernará se é o máis votado e rexeita calquera coalición

José Manuel Rei Varela di que "só pactará cos ferroláns para non ser refén de ningún partido".

Por Europa Press / Redacción | SANTIAGO DE COMPOSTELA | 14/02/2019 | Actualizada ás 17:20

Comparte esta noticia

O candidato do Partido Popular á Alcaldía de Ferrol, José Manuel Rei Varela, asegurou que só gobernará se é "o candidato máis votado". "Non estou disposto a coalicións que antepoñan os intereses de partido por enriba da cidade, como tantas veces sucedeu en Ferrol", dixo.

O popular José Manuel Rei Varela en rolda de prensa en Ferrol.
O popular José Manuel Rei Varela en rolda de prensa en Ferrol. | Fonte: Europa Press

Rei Varela engadiu que "só pactará cos ferroláns para non ser refén de ningún partido": "O noso obxectivo é a maioría absoluta, que sexa a suma da participación de todos os ferroláns nun proxecto para todos".

Rei Varela demandou "unha maioría absoluta que permita non depender de ningún partido". "Nin sequera do meu —agregou—, para conseguir os obxectivos que nos expuxemos para Ferrol", concluíu.

Ditas manifestacións realizounas Rei Varela no mediodía deste xoves na sede do PP de Ferrol, onde presentou unha nova páxina (www.ferrolya.es). Nela, irán "dando a coñecer unha medida por día nos 100 que restan para as eleccións municipais", tal e como trasladou.

O presidente do PP de Ferrol tamén adiantou que, entre as propostas, haberá "proxectos urbanísticos que transformarán a cidade, mellorarán a calidade de vida dos veciños, xerarán emprego e fixarán poboación".

Rei Varela incidiu en que o seu programa se baseará "en medidas en positivo, eixo dunha campaña que non debe de mirar atrás, que non debe de pensar no pasado e si no presente e futuro". Ademais, sentenciou que se inician "cen días, cen medidas para devolverlle a ilusión aos ferroláns e para levantar esta cidade".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta