Piden colaboración para localizar a este home de 43 anos desaparecido na Coruña

SOS Desaparecidos solicitou a colaboración cidadá para localizar a un home desaparecido na Coruña e que falta do seu domicilio desde o pasado 21 de febreiro.

A asociación informou de que se trata de Emilio Pintor Mella, de 43 anos, que mide 1,78 e ten pelo negro. Presenta unha calvicie parcial e utiliza lentes graduadas, explican.

Para calquera dato que se poida achegar en relación a este caso, SOS Desaparecidos facilita os teléfonos 642 650 775 e 649 952 957, segundo os datos que facilitou a través de redes sociais.