O número de folgas e paros en Galicia descende máis dun 20%
Os galegos perden poder adquistivo a pesar de cobrar case 1.500 euros ao mes.
Por Europa Press / Redacción | SANTIAGO DE COMPOSTELA | 26/02/2019 | Actualizada ás 09:53
Galicia é unha das 14 autonomías que viron caer o seu número de folgas este ano, un 20,4%, o que diminúe o número de conflitos a 18,4 cada 100.000 empresas, segundo recolle un estudo de Adecco
"Máis profunda", segundo o documento, foi a redución no número de participantes en paros, do 68,9%, ata 29,6 participantes por cada 10.000 ocupados. Continúa, con todo, sendo o segundo dato de participación máis alto entre as autonomías do estado.
PODER ADQUISTIVO
Por outra banda, ese informe suliña que o poder de compra dos galegos caeu un 0,8% a peche de 2018, descenso que supón uns 150 euros anuais, a pesar de estar o salario medio no seu máximo histórico, con 1.490 euros ao mes. Isto sitúa á comunidade entre as que máis incrementaron esta retribución, un 1,2% no cuarto trimestre do ano en relación ao mesmo período do exercicio anterior.
Aínda que os 1.490 euros mensuais constitúen a cifra máis elevada desde que hai datos rexistrados, se se ten en conta a inflación , "a situación non é tan favorable", destaca o informe, que reflicte que "a remuneración galega segue perdendo poder adquisitivo".
"Se o ano pasado esa perda era de apenas un 0,1%, agora é un 0,8%, equivalente a 150 euros anuais", indica. Con todo, engade que das 13 que perden capacidade de compra, Galicia é a segunda "con menos perda monetaria".
Na comunidade creáronse 32.300 postos de traballo, o que representa un aumento do 3,1% interanual. Deles, 13.900 foron de cualificación media ou baixa (+1,9%), mentres que os restantes 18.400 (seis de cada 10) requiriron alta cualificación (+5,7%).
Adecco resalta que "a redución do número de parados de longa duración vivida o último ano (ata o 35,7% do total de desempregados) contribúe ao aumento da proporción de parados con prestación por desemprego (un 61,1%)".
Tamén apunta que o teletrabajo "beneficia ao 6,5% do total de ocupados", tres décimas menos que un ano antes. Son 70.400 traballadores, segundo os seus datos, os que acceden a esta posibilidade, é dicir, un de cada 15.
