Varela e Gayoso deixan Novacaixagalicia Banco

Os copresidentes de Novacaixagalicia, Mauro Varela Pérez e Julio Fernández Gayoso, anuncian a súa intención de dimitir do consello de administración de NCG Banca e das súas empresas participadas.

Por Galicia Confidencial | Vigo | 27/10/2011 | Actualizada ás 17:11

O anuncio prodúcese logo de coñecerse as millonarias retribucións que obtiveron os dirixentes de Caixanova e Caixagalicia para retirarse logo da fusión e a constitución de NCG.

Os dous copresidentes consideran que a súa achega persoal ao proxecto do banco, como conselleiros dominicais, pode ser substituída pola doutros representantes que a caixa decida para esta nova etapa que agora comeza.

Traballo feito

Ambos os dous dirixentes coinciden que o seu traballo xa está feito logo da valoración de Novagalicia Banco, incorporado o Fondo de Reestruturación Ordenada Bancaria (FROB) no seu capital social e no seu consello de administración, realizada a segregación de activos e pasivos da caixa ao banco e definidos os "axustes necesarios".

NCG informou que Julio Fernández Gayoso e Mauro Varela expuxeron ao consello o seu agradecemento por a confianza depositada neles polos órganos de goberno da caixa para levar a cabo o nacemento de Novagalicia Banco, "desexando os maiores acertos e éxitos ao presidente, consello de administración e dirección no maior interese social e económico de Galicia, das familias e empresas galegas".

A renuncia aos seus cargos de conselleiros farase efectiva no consello do banco cando tomen posesión os novos representantes designados pola caixa ao efecto. Ambos os copresidentes porán a disposición do presidente de Novagalicia Banco os seus cargos nas sociedades mercantís que sexan titularidade directa ou indirecta do grupo do banco.

7 ana

e o do meio da foto que deixe a Xunta

6 saña

Deixan a Caixa e cando os meten na Lama?

5 Ex cliente da Caixa

Creo que o titular desta nova está incompleto. Debería dicir: Varela e Gayoso deixan Novacaixagalicia Banco feito unha merda.

4 Cidre

Teño en Novagalicia Banco unha hipoteca e estou fodido. Mais, despois de contemplar a morte da nosa caixa, ista hipoteca non me impide respirar mellor despois de abrir unha Libreta de Aforro na única caixa galega que fica con vida, CAIXA RURAL GALEGA.

3 Bruar

Resumidamente: Si os xestores de CaixaNova e CaixaGalicia que tiñan como clientes ao 45% do mercado bancario en Galicia, cun negocio conxunto duns 75.000,000.000€ deixaron esas entidades bancarias fusionadas valoradas agora en 181,000.000 foron vos xestores que Dios lles perdoe porque calquera cunha mínima capacidade de análise o que pediría e que se foran directamente á rúa. Recoñecendo que as caixas permitiron ter e fomentar o tecido productivo propio, pero ao mesmo tempo, a sua penosa xestión deixounas na ruina só cabe dicir que foron uns XESTORES RUINOSOS. Tíñano ben doado e fixerono francamente mal.