Os aeroportos da Coruña e Santiago aumentan pasaxeiros, mentres que o de Vigo perde tráfico

Os aeroportos galegos gañaron case 50.000 pasaxeiros ata maio e superan o millón e medio de usuarios

Por Europa Press / Redacción | SANTIAGO DE COMPOSTELA | 13/05/2019 | Actualizada ás 13:11

Comparte esta noticia

Os tres aeroportos galegos gañaron case 50.000 pasaxeiros no primeiros catro meses do ano e, ás portas de maio, superaban xa o millón e medio de usuarios. Así o evidencian os datos estatísticos feitos públicos este luns por Aena coa actividade dos seus terminais e que, en datos acumulados, reflicten un incremento de pasaxeiros na Coruña e Santiago e un lixeiro retroceso en Vigo.

En concreto, o tres aeródromos galegos rexistraron ata maio 1.527.486 pasaxeiros, o que supón 49.407 máis que nos primeiros catro meses do ano pasado, un incremento do 3,34%. Case a metade deste aumento correspóndese, de feito, co propio mes de abril, no que os tres aeroportos galegos gañaron 20.038 usuarios con respecto ao ano anterior, ata os 453.188, segundo os datos de Aena.

CIFRAS POR AEROPORTOS

Por aeroportos, nos primeiros catro meses de 2019 a terminal de Lavacolla rexistrou 808.873 usuarios, un 2,2% máis que no mesmo período do ano anterior; mentres que A Coruña creceu un 8,9%, ata 402.686. Finalmente, Vigo experimentou un lixeiro retroceso do 0,4%, ata os 315.927 pasaxeiros.

En canto aos voos, diminuíron un 1,6% no Aeroporto de Peinador, ata 3.594, mentres que se incrementaron un 1,3% en Santiago, con 6.508, e experimentaron un lixeiro aumento (do 0,2%) na Coruña, onde se operaron 5.185 voos.

En canto aos datos do mes de abril, o Aeroporto de Santiago experimentou un incremento do 8,8% na súa cifra de viaxeiros, ata os 253.393 usuarios, mentres que A Coruña creceu un 10,1%, ata 111.809 usuarios, e Vigo caeu en porcentaxe similar, un 10,8%, e quedou algo por baixo dos 88.000 pasaxeiros.

Aeroporto
Aeroporto | Fonte: EUROPA PRESS

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta