O Consello cidadán de Podemos Galicia apoia as negociacións que quere impulsar Iglesias con Sánchez
Tamén destaca o traballo que están a desenvolver as deputadas galegas no Congreso do Grupo Confederal de Unidas Podemos-En Comú Podem-Galicia en Común.
Por E.P. | SANTIAGO DE COMPOSTELA | 09/06/2019 | Actualizada ás 20:32
O consello cidadán autonómico de Podemos Galicia transmitiu o seu apoio ao proceso de negociación a nivel estatal para lograr un Goberno de cambio e progreso e puxo en valor o traballo que están a desenvolver as deputadas galegas no Congreso do Grupo Confederal de Unidas Podemos-En Comú Podem-Galicia en Común.
O consello reuniuse este domingo en Santiago para analizar a situación política por mor das eleccións xerais, europeas e municipais e preparar a estratexia da formación para os comicios autonómicos de 2020.
Neste sentido, o secretario xeral de Podemos Galicia, Antón Gómez-Reino, deputado nas Cortes, apelou á "xenerosidade" e á capacidade "de conformar unha cultura de acordos" das forzas progresistas para "reconstruír" un espazo de cambio en Galicia.
Así, coa vista posta nas eleccións de 2020, pediu ser "capaceces de dinamizar a todos os actores que comparten" o espazo de cambio con Podemos para "articular unha alternativa forte e con opcións de alcanzar a Xunta".
