Maite Rojo é patroa de barco. Saiu do Porto Deportivo das Palmas de Gran Canaria para cruzar o océano Atlántico e chegar a Tórtola, nas Illas Virxes Británicas. Aproveitando o 8M, GC inicia a sección "Dominando os mares" na que Maite irá contando o seu día a día nunha travesía de 3.000 millas á fronte dun veleiro de 19 metros do asteleiro inglés Oyster. Xunto coa galega, dous ingleses e unha inglesa, un escocés e un francés compartirán experiencias ao longo dun mar inmenso durante tres semanas.