Mulleres de sal. María José Vales, expatroa maior en Vilanova: "Aos homes non lles gusta que lles mande unha muller"

Comezou aos 23 anos no marisqueo a pé polo mesmo motivo que moitas outras mulleres: a conciliación. Non tardou en darse conta de que había moitas cousas que mudar no sector do mar para acadar a igualdade real, unha igualdade que aínda a día de hoxe está moi lonxe de acadarse. Das 63 confrarías que hai en Galicia, só 4 están lideradas por mulleres. María José foi durante 8 anos patroa maior en Vilanova de Arousa, onde puido comprobar en primeira persoa "o machismo que hai no sector".