(Vídeo) Rachando cos tópicos do galego: cando as crianzas marroquís tamén presumen de falar e regueifar en galego

Nihal e Wiame son de Marrocos, pero tamén galegas. Gústalles a súa lingua nai, pero tamén a súa lingua de acollida, o galego. O proxecto Mátrix, do IES Marco do Camballón de Vila de Cruces, pretende achegar o árabe ao galego.

Unha sección do 'Mundo Árabe' na Biblioteca de Verín

A Biblioteca Municipal do concello vén de crear un fondo bibliográfico tanto en lingua árabe como en castelán sobre a cultura, literatura e outros aspectos xerais que profundizan e recoñecen o valor do mundo árabe e o seu desenvolvemento en diferentes manifestacións culturais. Esta iniciativa contribuirá a satisfacer o interese crecente de usuarias e usuarios árabes.