Por E.P. | SANTIAGO DE COMPOSTELA | 29/07/2019 | Actualizada ás 11:15
Urxencias Sanitarias de Galicia-061 asistiu durante o fin de semana a 82 persoas debido a 52 accidentes de tráfico ocorridos nas estradas galegas. O período contabilizado comprende desde as 15,00 horas do venres ata as 23,59 horas do domingo, día que houbo máis incidentes, con 21.
O 061 recibiu nestes días 64 chamadas en relación cos accidentes de tráfico, alertas que xeraron 52 asistencias sanitarias por parte do persoal do 061, que atendeu a un total de 82 persoas, o 54 delas homes e o 46%, mulleres. O 32% tiña entre 20 e 34 anos.
Por provincias, A Coruña foi a que rexistrou máis accidentes, con 23 sinistros de tráfico durante os desprazamentos destas datas.
Os recursos sanitarios mobilizados polos médicos que atenderon as chamadas na central de coordinación do 061 foron 75. Así, as ambulancias asistenciais de soporte vital avanzado atenderon en oito accidentes, o helicóptero medicalizado en dous, as ambulancias asistenciais de soporte vital básico en 54 e os equipos sanitarios de Atención Primaria que medicalizan as ambulancias asistenciais de soporte vital básico do 061, en oito.
Pola súa banda, as ambulancias convencionais asistiron en tres sinistros de circulación. En 72 casos os feridos foron trasladados aos centros sanitarios correspondentes, en nove ocasiones atendeuse no propio lugar do incidente e unha persoa resultou falecida no punto.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.