Por Europa Press / Redacción | SANTIAGO DE COMPOSTELA | 30/07/2019 | Actualizada ás 16:42
Un home foi detido como presunto autor de varios incendios forestais que tiveron lugar entre o 27 de xuño e o 29 de xullo no concello ourensán de Maceda. O detido pasou a disposición do xulgado de instrución número 2 de Ourense, en funcións de garda, que ditaminou o seu ingreso provisional no cárcere.
Vicepresidencia da Xunta informa da detención e da decisión do xulgado por uns lumes acerca dos cales a Consellería de Medio Rural non chegou a dar conta (a súa política de comunicación neste ámbito é a de dar a coñecer aqueles lumes que superan as 20 hectáreas de superficie calcinada).
Así as cousas, a través dun comunicado, a Xunta resalta que axentes da Policía Autonómica esclareceron a autoría de seis incendios en Maceda, ocasionados pola mesma persoa. A detención, engade, produciuse "grazas á gran colaboración cidadá das parroquias de Castro de Escuadro e Vilardecás" e aos dispositivos de vixilancia dos axentes.
Os lumes orixinábanse "sempre de madrugada", cando os medios aéreos non poden actuar, e varios deles a escasos metros das casas, que non resultaron afectadas "grazas á rápida intervención dos medios de extinción e dos veciños".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.