Os estafados polas "preferentes" toman a sede da TVG

O director do Ente fuxe mentres un centenar de cidadáns afectados entran en San Marcos, sede da TVG, por sorpresa. Tentaron meterse nun telexornal en directo.

Por Walter Burns | Santiago | 30/03/2012 | Actualizada ás 14:40

Ducias de cidadáns coláronse este mediodía por sorpresa na sede central da CRTVG en San Marcos. Segundo fontes dos traballadores consultadas por GC, son afectados polas opcións "preferentes", nas que teñen atrapadas os seus aforros miles de galegos.

Os afectados concentraronse ás portas do plató no que se emite en directo o Telexornal coa intención de interrumpilo para que se fale da súa problemática. De feito, na emisión en directo escoitaronse os ruídos da protesta, aínda que non entraron en cámara.

Os manifestantes coáronse no edificio e, unha vez no interior, dirixíronse ás dependencias do director xeral, que conseguiu fuxir. Posteriormente dirixíronse ás oficinas da dirección da TVG onde acurralaron ao director e subdirector de informativos para pedirlle explicacións pola falta de información na TVG sobre a súa problemática.

Acudiu a Policía

Ás instalacións de San Marcos tiveron que acudir varias patrullas da Policía para tentar desaloxar aos manifestantes que se instalaron nos pasillos e na redacción da TVG.

En Galicia a maioría dos afectados teñen os seus cartos retidos en Novagalicia Banco. Hoxe o Defensor do Pobo abriu unha investigación de oficio sobre o caso.

Os manifestantes non lograron entrar no plató porque a dirección logrouno pechar a tempo. A primeira hora da tarde seguían concentrados no exterior do edificio. Están polo menos os ocupantes de dous autobuses fletados dende Cangas e Moaña, no Morrazo.

10 Abrente

Pois co que gaña o director xeral da CRTVG, máis que o presidente da Xunta, non é para saír fuxindo. Pero non todos son así. Os estafados recibiron apoio de moitos dos traballadores da casa e do comité de empresa, que mesmo os guiaban na súa acción de xusta e pacífica protesta, sinalando quenes eran os responsabeis da manipulación no tema das preferentes, do que a TVG sempre informa a favor do poder financeiro. É lamentable que a dirección, en vez de atender a uns pacíficos cidadáns, que só querían que se ouvira a súa protesta en toda Galicia por medio do telexornal, chame á policía para que os reprima e expulse dunha entidade que a pagamos tódolos galegos. Hai que facer limpeza non medios públicos. Fora fachas. Poder popular.

1 Quinta

Abrente, tés toda a razón. O malo é que na TVG o poder é Popular, do PP. Ábrese un raio de esperanza coa actitude, como dis, deses traballadores que apoiaron aos estafados e denunciaron o servilismo dos seus xefes. O menos que podían facer era deixalos falar libremente por un medio que se autodefine como servizo público. Non costaba nada deixarlles entrar ao plató como querían, para informar directamente no Telexornal. Pero, unha vez máis, a censura do PP impediuno.

9 Antón

Si que é ironico e retorcido o autor ou colectivo que asina o artigo co alcume do torticeiro director de xornal capaz de calquer cousa por unha primicia, do film de Wilder Primeira Plana interpretado por Walter Matthau. En realidade estafados pola banca estamos a ser todos, repartian beneficios entre accionistas e agora socializan perdas con cargo o erario público ate Septembro de 2011 estimadas en 260.000 millóns de euros. Esperase que cande esté a banca saneada, voltarán a privatizala. O que tiñan que facer e nacionalizala, facelas públicas e devolverlles os cartos a todolos estafados.

8 Home, pois non foi así....

A noticia está moi mal escrita e ten erros bastante notorios. É o que pasa cando un quere contar o que non ve.

1 estaba alí

É certo, hai moitos erros, comezando porque na TVG non hai director e subdirector de informativos. Hai directora de informativos e logo redactores xefes. E a quen acurralaron foi á directora, algún redactor xefe andaba por alí sen os manifestantes saber sequera quen era. Logo, os ruídos das protestas escoitáronse pero claro que non entraron en cámara porque non chegaron a entrar en plató, estaban no pasillo.

7 Home, pois non foi así....

A noticia está moi mal escrita e ten erros bastante notorios. É o que pasa cando un quere contar o que non ve.

1 Zambumbando

O que estivo mal foi a noticia que deron no telexornal onde lles chamaban asaltantes aos vellos. Busca se queres o termo asaltar no diccionario da Real Academia Española (xa que somos todos tan puristas) e mira a ver se se corresponde coas imaxes: non hai fortaleza que asaltar, non houbo violencia, e os vellos non estaban alí para roubar (outra acepción de asaltar), así que ti que dis que o viches todo (que estas tardando en demostralo), non fales con tanta soberbia porque non sabes o que dís. Erros son os da TVG que dín que os vellos estaban intentando acabar coa función pública da TVG, cando realmente o que querían facer os manifestantes era precisamente iso: poñer en práctica a función pública da TVG. Se criticas fai o favor de argumentar a tua crítica, con dicir que é unha noticia chea de erros bastante notorios, non convences a ninguén. Bótalle uns cinco minutiños máis e argumenta ostia! que parecemos un país de analfabetos funcionais.

6 XULIAN

sSONCHE 100.000 FAMILAS GALEGAS AFECTADAS POR CAIXAGALICIA E CAIXANOVA, CO PERFIL TIPO DO CLIENTE DESAS ENTIDADES: FAMILIAS, CLASES MEDIAS E BAIXAS, PEQUENOS AFORRADORES E MESMO XUBILADOS. O IMPORTE MEDIO E DE 20.000 EUROS POR AFECTADO, O QUE PARA MOITOS E TODO O AFORRADO NA SUA VIDA. POIS BEN A ESTES CLIENTES DE TODA LA VIDA, E QUE NON TEÑEN COÑECEMENTOS DOS MERCADOS DE VALORES, "COLOCARONLLE" UN PRODUCTO DE RISCO DESTINADO A INVERSORES INSTITUCIONAIS DICINDOLLES QUE ERA "COMO UN PLAZO FIXO" E QUE OS CARTOS ESTABAN SEJUROS E PODIAN RECUPERALOS CANDO QUIXESEN. AHI ESTA A ESTAFA: AGORA QUEREN OS SEUS CARTOS E NON LLOS DAN E OS CLIENTES TEÑEN QUE SAIR A RUA E O PARLAMENTO E A TVG A RECLAMAR O QUE E DELES. A XENTE ESTA MOI INDIGNADA E NUNHA DESTAS PODE PASAR UNHA DESJRASIA EN CALQUERA SUCURSAL.... E ISTO VAI IR A MAIS SE NOS LLES DEVOLVEN OS CARTOS POR TAN LAMENTABLE ACUACION DE CAIXAJALISIA.