Gaiteirada de Leo Bassi no Obradoiro
Despois de que o alcalde de Santiago tentase evitar a súa actuación, o cómico italiano responde ao máis puro estilo Manuel Fraga.
Por Galicia Confidencial | Santiago | 08/04/2012 | Actualizada ás 08:45
O coñecido bufón Leo Bassi está a buscar gaiteiros e gaiteiras para recibilos este xoves na Praza do Obradoiro. Segundo unha convocatoria que circula polas redes sociais, o acto comenzará a partir das 10:30 horas da mañá.
O artista italiano responde así ao alcalde do PP, Xerardo Conde Roa. O edil negoulle o aluguer do Teatro Principal aludindo problemas de datas pero destacando que Bassi, coñecido polo seu laicismo, producíalle "especial repugnancia".
O cómico confirmou na súa conta en Twitter que Roa será o centro dos seus dardos, pois a súa actuación incluíra a «inauguración de un semáforo en la cercanía por cambio de bombilla», en referencia ao acto no que o alcalde inaugurou dous semáforos, hoxe moi criticados en Compostela porque ralentizan o tráfico.
Despois de que lle fose negado o aluguer do recinto público, Bassi conseguiu actuar no salón de actos Facultade de Ciencias da Comunicación da USC. Máis pequeno que o Teatro Principal, o cómico realizará dúas funcións este xoves tras a 'gaiterada' do Obradoiro. Unha imaxe que sen dúbida recordará as macrogaiteiradas que organizaba Manuel Fraga nas súas tomas de posesión como presidente da Xunta.
Bassi dixo publicamente que a frustrada tentativa de Conde Roa serviulle para obter publicidade gratis e, polo tanto, máis público.
