A Unión de Consumidores de Galicia pide que se investigue a cancelación do Maestral Fest de Sanxenxo

Animou os afectados a recramar o prezo da entrada e se fora convinte unha compensación por danos e prexuízos.

Por Europa Press / Redacción | SANTIAGO DE COMPOSTELA | 21/08/2019 | Actualizada ás 18:58

Comparte esta noticia

A Unión de Consumidores de Galicia (UCGAL) reclamou ás autoridades que investiguen os motivos da cancelación do Maestral Fest de Sanxenxo (Pontevedra), polo que xa recibiron varias consultas e queixas. O pasado 16 de agosto, lembrou a asociación, a organización do Maestral Music Festival Sanxenxo emitiu un comunicado anunciando a cancelación de todos os "eventos previstos no seu recinto" e esgrimindo "motivo alleos á organización do festival e insalvables".

Naquel momento anunciouse que os asistentes poderían reclamar o importe abonado polas entradas a través de Ataquilla.com, pero a plataforma advertiu vía correo electrónico aos afectados que "non se reembolsarían as entradas ata que a organización realice os ingresos dos importes".

Ao longo desta semana, a Unión de Consumidores de Galicia "comezou a recibir consultas e queixas de asistentes", ben porque non puideron ver as actuacións comprometidas, porque tiñan gastos de transporte ou aloxamento comprometidos ou para recuperar o diñeiro das súas entradas.

Ante o número de persoas afectadas, Unión de Consumidores de Galicia considerou necesario tramitar ante as autoridades de consumo "a pertinente solicitude para que leve a cabo unha investigación dos feitos que depure responsabilidades e impoña as correspondentes sancións".

Así mesmo, animou ás persoas "afectadas polas irregularidades e cancelación do festival" a reclamar "non só a devolución do prezo da entrada senón tamén, se fose o caso, os danos e prexuízos derivados como desprazamentos e reservas para durmir". "Teñamos en conta que ao comprar á entrada para asistir ao festival, contratouse un servizo que se prestou de forma defectuosa nalgúns casos e noutros, non se chegou a materializar", lembran.

Praia de Sanxenxo (Pontevedra). EUROPA PRESS - Arquivo
Praia de Sanxenxo (Pontevedra). EUROPA PRESS - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta