Por E.P. | SANTIAGO DE COMPOSTELA | 01/09/2019 | Actualizada ás 19:54
Unha locomotora está a arder nunha nave situada á beira da estación de tren do municipio ourensán de Baños de Molgas e os servizos de emerxencias seguen traballando a esta hora para extinguir o lume.
O 112 Galicia informou do sucedido na tarde deste domingo e comunicou que non constan danos persoais porque a máquina non se atopaba en funcionamento.
A alerta por lume foi trasladada ao 112 Galicia grazas á chamada dun particular, que ao fío das 18,00 horas chamou aos servizos de emerxencias para indicar que vía saír fume do interior dunha nave que se atopa á beira da estación de tren desta localidade.
A partir dese momento, os xestores de emerxencias avisaron de inmediato aos Bombeiros de San Cibrao e aos membros do GES de Pereiro de Aguiar, en Ourense. Do mesmo xeito, deron conta dos feitos á Garda Civil e aos efectivos de Protección Civil de Molgas.
Tamén foron avisados os técnicos de ADIF Emerxencias, que tras indicar que se procedía a extinguir as chamas, confirmaron que o incidente non afectaba á circulación de trens, ao atoparse en vías sen circulación.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.