Por Galicia Confidencial | Compostela | 19/09/2019 | Actualizada ás 14:37
O Consello da Xunta presentou un proxecto de decreto de lei para crear un gran rexistro de frondosas de Galicia. Trátase dunha gran base de datos para coñecer a presenza nos montes do país de especies como os carballos, castiñeiros, ameneiros, bidueiros e outros e incentivar o seu cultivo a través de subvencións.
Para formar parte deste rexistro, os propietarios terán que garantir que teñen unha extensión de 15 hectáreas cun 75% dela plantada, como mínimo, por frondosas, e cunha idade media das árbores de 20 anos ou máis.
O obxectivo deste novo decreto e impulsar a ordenación e xestión forestal, a través das sociedades de fomento forestal (Sofor). Entre as vantaxes que terán os propietarios están incentivos fiscais e subvencións e, entre as obrigas, a de realizar unha “xesión foresta activa” da explotación. Ademais, deberán informar cando hai cambio na xestión forestal deses montes e se plantan outro tipo de frondosas. Esta norma será remitida ao Consello Consultivo para a súa posterior aprobación.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.