Por Europa Press / Redacción | SANTIAGO DE COMPOSTELA | 14/10/2019 | Actualizada ás 15:18
O presidente da Xunta, Alberto Núñez Feijóo, trasladou este luns que o investimento do Ministerio de Cultura na actualidade é "o normal e o que estaba previsto", como cada ano, algo que non é "comparable ao compromiso" do Estado "con outras efemérides" de distintas comunidades autónomas. "Boas intencións si, orzamento e investimentos de momento non", aclarou.
Preguntado polas críticas do delegado do Goberno, Javier Losada, nunha entrevista na Cadena Ser, nas que acusaba a Xunta de non decatarse dos compromisos do Ministerio de Cultura co Xacobeo, Feijóo respondeu: "Dáme a sensación que quen non se decata moito é o delegado do Goberno do que fai o seu propio Gobienro. Unha cousa é ser do Goberno e outra ser delegado", respondeu o presidente da Xunta.
Así, asegurou que mantivo unha conversao pasado 12 de outubro co responsable estatal de Cultura, na que o mandatario se comprometeu a detallar os "4 ou 5 millóns que está a investir" este departamento en Galicia e que "vai tentar concretar" o que ten previsto para o próximo Xacobeo.
"Digo previsión, non confirmación", matizou Feijóo, quen agradeceu o ton "cordial" do responsable de Cultura. "Boas intencións si, orzamento e investimentos, de momento non".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.