A CIG critica a La Voz tras os despedimentos na FORGA

O sindicato nacionalista nega que botase 30 traballadores non militantes da UPG da súa fundación para a formación aproveitándose da reforma laboral, como denuncia o diario coruñés.

Por Galicia Confidencial | Santiago | 20/06/2012 | Actualizada ás 10:38

Polémica entre La Voz de Galicia e a CIG. A FORGA, unha fundación vinculada ao sindicato nacionalista, acaba de botar 15 traballadores, segundo a central. Son 30 a través dun ERE que se aproveita da reforma laboral e que afecta só aos que non son da UPG, segundo a cabeceira coruñesa.

"Gustaríamos saber en que se fundamenta La Voz de Galicia para facer as afirmacións e acusacións que fai, sen previamente contrastalas coa dirección da nosa entidade; non sendo que o que procure, a Dirección do xornal, sexa facer algo totalmente alleo ao xornalismo e á ética xornalística", clama a Fundación para a Orientación Profesional, a Investigación e o Desenvolvimento Tecnolóxico, o Emprego e a Formación en Galiza (FORGA).

La Voz denunciou que "o sindicato CIG acaba de acollerse a unha das ferramentas reforzadas pola recente reforma laboral para prescindir de 30 dos seus traballadores". A cabeceira tamén cita fontes dos afectados para acusar á FORGA de botar só traballadores que non son militantes da UPG. A UPG é o principal partido comunista dentro do Bloque e cuxos militantes artellan democraticamente os principais órganos de goberno do sindicato CIG e do BNG.

A FORGA rebate que só botou 15 asalariados (4 deles de xeito temporal) e nega o ERE ou que se aproveitase da reforma laboral, contra a que a CIG convocou incluso unha folga xeral. A Fundación culpa ao PP dos despedimentos, por reducir as subvencións para a formación dos asalariados. Así, asegura que dispón dun 80% menos de cartos para organizar cursos que en 2009. A FORGA tamén destaca que lle ofreceu as "mellores" condicións aos despedidos, por exemplo 40 días por ano traballado aos que perden definitivamente o seu emprego.

A CIG acaba de gañar as eleccións na Voz

Para comprender mellor este cruce de acusacións, cómpre ter en conta que a CIG acaba de gañar as eleccións sindicais na Voz. Este grupo mediático atópase, como case todos, nunha delicada situación económica. O ano pasado o seu cadro de persoal referendeu un plan que inclúe unha sucesión de despedimentos e prexubilacións. La Voz é, ademais, un medio tradicionalmente moi crítico coas mobilizacións do nacionalismo de esquerda e da CIG en particular.

Os problemas económicos entre os sindicatos non son exclusivos da CIG. Por exemplo, traballadores do SLG levaban a semana pasada meses sen cobrar, un dos factores que contribuíu ao relevo na dirección da central.

22 Mario S.

Segue:É falso que os despedimentos e suspensións temporais de emprego da FORGA sexan trinta, é falso que a FORGA sexa o brazo político dun sindicato ou dun partido, e tamén é falso que a FORGA presentara un ERE extintivo nos termos que apunta o xornal. As realidades que están a inventar algúns xornalistas de La Voz teñen efectos prexudiciais para o país galego e, por riba, serven para agachar o feito probado de que as reducións da plantilla da FORGA e doutras entidades vencelladas á formación profesional son froito da política do PP para que os cartos que administra no eido do emprego, que sufriron fortes recortes, sexan para as empresas dos militantes e simpatizantes da dereita.

21 Mario S.

Segue: O certo é que nos presupostos do 2011 e nos do actual exercizo o Goberno autonómico reduciu entre o 50 e o 85% as súas aportacións á FORGA e outros prestatarios de servizos coa finalidade de beneficiar ás empresas que dirixen os "amigos" do PP, caso de Gerardo Crespo, que na actualidade é un dos presuntos membros dunha rede adicada ao aproveitamente irregular ou ilegal dos subvencións que administra a Consellería de Traballo, feitos que están a ser investigados pola Xustiza. La Voz de Galicia tamén insinúa que as medidas laborais aplicadas pola FORGA son consecuencia dunha decisión ou suxerencia da UPG ou da CIG... Este e outros contos de La Voz non só forman parte da intención do "grupito" e de Santiago Rey Fernández-Latorre de desprestixiar á esquerda, aos sindicatos e ao nacionalismo galego, senón que por riba de todo teñen unha intencionalidade económica: manter as subvencións e as axudas que a empresa editora recibe da Xunta.

20 Mario S.

No blogue dos ExVoz: A resposta de La Voz ao triunfo da esquerda e do nacionalismo nas eleccións sindicais La Voz de Galicia ven de informar que FORGA, vinculada ao galeguismo, procediu ao despedimento de trinta traballadores a través dun ERE, aproveitando (segundo La Voz) a reforma laboral do Goberno español do PP. Sempre segundo La Voz, eses despedimentos non afectaran aos traballadores simpatizantes ou membros da Unión do Povo Galego (UPG), o partido de esquerdas que lidera o Bloque Nacionalista Galego (BNG). A noticia é unha das manipulacións informativas ás que se prestan algúns xornalistas de La Voz e, ¡por casualidade!, a película se difunde xusto cando a Confederación Intersindical Galega (CIG) ven de gañar as eleccións sindicais celebradas en La Voz de Galicia SA.

19 Euloxio

Ao marxe de polémicas, compre ler o que hoxe publica ExVoz: http://exvoz.canalblog.com/archives...

18 Vexo Vigo, vexo Cangas

Que o ERE na Forga, igual que pasará nos liberados da CIG, afecta só aos que non lle renderon pleitesía e obediencia cega a Suso Seixo é un feito perfectamente contrastable. Os ghichiños da Grande Obra UPG non van ao paro. Postos a falar da FORGA se pode falar das súas finanzas e dalgúnhas desviacións económicas para tapar buratos noutra organización. Preguntádelle a Suso Seixo e a Oubiña Parracho. Tamén a Sabio Maroño, o ghicho que está tirando moito partido dos seus coñecementos da contabilidade da FORGA.

1 na galiza

iso xa o contestaron antes. aporta algo novo, anda. é que non sabes como responder aos comentarios anteriores? os ghichiños da UPG si que van ao paro.

2 Mario S.

Non sei de onde sae a noticia. Eu sei dalgúns que van á rúa e é son militantes ou próximos á UPG. O único que interesa a este medio e outros nos últimos tempos é desprestixiar a unha forza política que centra o seu interese no País no lugar de en personalismos. E non, NON son militante. Pero a este paso e con semellantes novas e comentarios non sei se tardarei moito.