A CUP chama os partidos nacionalistas a vetar o pacto Sánchez-Iglesias
Poñerase en contacto co BNG este mesmo xoves para trasladar a súa proposta.
- Otegi condiciona o seu apoio a PSOE e Unidas Podemos a unha "receita" común para galegos, vascos e cataláns
- Reaccións acordo Sánchez-Iglesias: O BNG, aberto a apoiar o pacto se existe un compromiso "cunha axenda galega"
Por Europa Press / Redacción | Santiago de Compostela | 14/11/2019 | Actualizada ás 13:50
A deputada electa da CUP no Congreso, Mireia Vehí, chamou este xoves ás formacións independentistas e soberanistas que obtiveron representación no Congreso, como o Bloque Nacionalista Galego, a dar unha resposta conxunta e rexeitar o preacordo de gobernabilidade entre o PSOE e Unidas Podemos.
Nunha rolda de prensa acompañada do outro deputado electo 'cupaire', Albert Botran, dirixiuse concretamente a JxCat, ERC, Comuns, PNV, Bildu, Compromís e BNG, cos que se porán en contacto este mesmo xoves para trasladarlles a súa proposta.
"Non pode ser que se avale unha investidura que nega os dereitos democráticos. Non se pode dar apoio a un acordo que nega que haxa un conflito político, que non faga referencia á amnistía nin á autodeterminación", resolveu a deputada 'cupaire'.
