Por E.P. | SANTIAGO DE COMPOSTELA | 14/11/2019 | Actualizada ás 19:02
A Fundación Amigos de Galicia entrega este sábado 16 de novembro o XXXII Grelo de Ouro á Axencia de Doazón de Órganos e Sangue de Galicia ADOS, á Federación Alcer Galicia, ás asociacións Airiños e Adrovi e a todos os colectivos e persoas doantes de órganos e transplantes de Galicia.
Segundo indicaron a través dun comunicado, o Premio personalizarase a título individual na familia e persoa de José Antonio Alonso Miranda, socio da entidade falecido recentemente e doante de todos os seus órganos.
O acto será presidido polo Conselleiro de Sanidade, Jesús Vázquez Almuiña, e presentado pola responsable de comunicación de Fundación Amigos de Galicia, Paula Chapela Bamio.
Desde Fundación Amigos de Galicia decidiuse homenaxear este ano ás entidades, colectivos e persoas que fan posible o funcionamento do programa de doazóns e transplantes que "permiten salvar tantas vidas e mellorar a vida de moitas persoas", destacaron.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.