Morre unha moza nunha colisión en Dumbría
Un home resultou ferido no sinistro.
Por Europa Press / Redacción | SANTIAGO DE COMPOSTELA | 15/11/2019 | Actualizada ás 12:19
Unha moza de 33 anos de idade faleceu na mañá deste venres e un home resultou ferido nunha colisión rexistrada no termo municipal de Dumbría.
Segundo os datos facilitados polo 112 Galicia a Europa Press, este sinistro tivo lugar sobre as 10,40 horas no quilómetro 83 da estrada AC-552 sentido Fisterra.
Debido ao sinistro, tras o que tivo que ser excarcerada a vítima, foron mobilizados o 061, Garda Civil de Tráfico, Bombeiros de Cee, Protección Civil de Dumbría e persoal de mantemento da vía.
En concreto, o 061 enviou unha ambulancia, o equipo sanitario de Dumbría e o helicóptero medicalizado con base en Santiago. O persoal sanitario confirmou o falecemento no lugar da muller N.A.E., de 33 anos, mentres que a aeronave trasladou ao Hospital Virxe da Xunqueira ao home R.C.M., de 59 anos.
