Por Galicia Confidencial | Cedeira | 28/11/2019 | Actualizada ás 10:17
Unha embarcación mobilizada por Salvamento Marítimo auxiliou na madrugada deste xoves a un pesqueiro con sete tripulantes a bordo que quedou sen máquina preto da costa de Cedeira (A Coruña).
Segundo informaron fonte de Salvamento Marítimo a Europa Press, ás 1,23 horas recibiuse o aviso do patrón do pesqueiro 'Brual', de 18 metros de eslora e con sete tripulantes a bordo, que alertou de que estaba sen máquina e derivaba cara á costa á saída do porto de Cedeira.
As mesmas fontes relataron que o 'Brual' explicou que se quedou sen máquina preto da costa, debido ao que o pesqueiro chegou a estar a uns "30 metros" de terra xa que "non aguantaba o fondeo e derivaba cara a costa", concretaron as mesmas fontes.
Por parte do Centro de Salvamento de Fisterra mobilizouse a embarcación 'L/S Langosteira' de Cruz Vermella, que remolcou ao pesqueiro até o Porto de Cedeira, onde chegou sobre as 2,00 horas deste xoves. Os tripulantes atópanse "ben", destacaron as mesmas fontes.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.