Por E.P. | SANTIAGO DE COMPOSTELA | 03/12/2019 | Actualizada ás 20:01
Galicia perdeu un total de 507 autónomos —250 homes e 257 mulleres— no mes de novembro (-0,2%), segundo datos dun informe elaborado por ATA-Galicia dado a coñecer este martes.
Este retroceso do 0,2% é o dobre que a baixada do 0,1% rexistrado de media no conxunto de España, onde o número de autónomos descendeu en 2.884.
O informe sinala unha redución de autónomos en todas as provincias, con Lugo á cabeza (145 autónomos menos, -0,4%), seguida da Coruña (189 menos, -0,2%), Pontevedra (125 menos, -0,2%) e Ourense (48 autónomos menos, -0,2%).
Hostalaría (-1,2%), actividades artísticas (-1%), agricultura (-0,5%) e actividades administrativas (-0,4%) son os sectores que perden máis autónomos en novembro.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.