Por E.P. | SANTIAGO DE COMPOSTELA | 10/12/2019 | Actualizada ás 14:49
O home acusado de apuñalar mortalmente a unha amiga coa que convivía en Boiro en xullo de 2017 esperou xunto o cadáver da muller ata que chegou a ambulancia e "interesouse" por saber se tiña aínda constantes vitais, aínda que "fuxiu" do lugar cando chegou a Garda Civil, que tivo que perseguilo e detelo.
Así o declararon varias testemuñas que participaron este martes na segunda sesión do xuízo que se segue na sede compostelá da Audiencia Provincial da Coruña contra este veciño de Boiro, que se enfronta ata a 12 anos e medio de prisión por un posible homicidio doloso.
Na sesión deste martes participaron os amigos que pasaron coa vítima e o acusado as horas anteriores ao crime, que contaron que o home se atopaba "normal" cando eles se foron, deixándoos sós na vivenda, e que estiveran consumindo alcol e drogas.
Así mesmo, contaron que "sempre había discusións" entre ambos e que o acusado "se volvía máis violento" cando bebía. Tamén admitiron que a muller o golpeou un tempo antes dos feitos cun taburete no transcurso dunha discusión, deixándoo "sen sentido no chan". "Non viu outro modo de paralo", explicou un das testemuñas.
Na mesma liña declarou o dono dun bar próximo á vivenda onde se produciu o crime, e que "expulsara" do local ao acusado porque "non se portaba ben" cos clientes e tiña "comportamentos violentos"
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.