Suspendido o xuízo contra un home acusado de violar a súa parella ao non o dar localizalo
A consecuencia destes feitos delictivos, a muller sufriu lesións e síntomas de tensión postraumática e depresiva. Para a vítima, o Ministerio Público solicita 20.000 euros de indemnización.
Por Europa Press / Redacción | SANTIAGO DE COMPOSTELA | 12/12/2019 | Actualizada ás 12:19
A sección primeira da Audiencia Provincial da Coruña suspendeu, ante a imposibilidade de localizar o acusado dos feitos, o xuízo previsto para este xoves contra un home pola presunta violación da súa compañeira sentimental.
Por un delito de agresión sexual, o fiscal reclama, no seu escrito de cualificación, que sexa condenado a dez anos de prisión e a outros dez de liberdade vixiada en relación a uns feitos que se produciron nunha vivenda de Ames.
En concreto, segundo a súa cualificación, remóntanse á tarde-noite do 11 de maio de 2010 e a madrugada do 12 de maio. O procesado, de nacionalidade venezolana, estableceu unha discusión coa súa entón compañeira sentimental na vivenda na que ambos convivían xunto ao fillo maior da muller.
No transcurso da mesma, "con ánimo de menoscabar a súa integridade corporal, agarrouna polo pescozo e golpeoulle". Seguidamente, obrigouna a meterse no dormitorio "onde pechou a porta e, con ánimo de satisfacer os seus desexos sexuais, penetrouna". Tamén a mordeu e ameazouna con matala. A consecuencia destes feitos, a muller sufriu lesións e síntomas de tensión postraumática e depresiva. Para a vítima, o Ministerio Público solicita 20.000 euros de indemnización.
