Temas: NéSTOR REGO UNIDAS PODEMOS PODEMOS BNG PRENSA PSOE

O BNG non desvela o seu voto na investidura e pide concreción na axenda galega

Néstor Rego tachou de "decepcionante" a "aposta por reforzar o modelo constitucional autonómico". Cualifica o documento de "pouco ambicioso".

PSOE e Podemos decididos á "recuperación inmediata" do Pazo de Meirás

Por Europa Press / Redacción | SANTIAGO DE COMPOSTELA | 31/12/2019 | Actualizada ás 14:57

O deputado do BNG no Congreso, Néstor Rego, non desvelou aínda o sentido do seu voto na sesión de investidura na Cámara Baixa, que xa foi convocada para os días 4, 5 e 7 de xaneiro, e sinalou que dependerá da "concreción" das medidas da axenda galega. Nunha rolda de prensa ofrecida este martes na sede da formación en Santiago, Rego advertiu que "non valen boas intencións políticas", senón que o Bloque quere saber "que medidas se van a aplicar e cando se aplicarán".

Aínda que Rego celebrou que nestas seis semanas "falouse máis de Galicia" no Congreso que nas lexislaturas anteriores -nas que o BNG non tivo representación-, advertiu que agora son os socialistas os que "teñen que decidir se queren que haxa un acordo ou non". De non chegar a un punto común, será "a dirección do BNG" a que decida o sentido do voto nesa sesión de investidura celebrada os días 4, 5 e 7 de xaneiro.

Respecto diso do acordo asinado este luns entre PSOE e Unidas Podemos, Rego tachou de "decepcionante" a "aposta por reforzar o modelo constitucional autonómico". "O que quere dicir, noutros termos, que non se pensa avanzar no recoñecemento do carácter plurinacional do Estado", lamentou, á vez que cualificou o documento de "pouco ambicioso".

Noticias relacionadas

PSOE e Podemos decididos á "recuperación inmediata" do Pazo de Meirás

Temas: NéSTOR REGO UNIDAS PODEMOS PODEMOS BNG PRENSA PSOE

8 LKI

O BeNeGá non conta para nada, está nun grupo pupurrí dominado polo pujolismo e o errejonismo, e acabará votando o que lle diga o Amo de Sabón.

7 Sentidiño

Coas contas de hoxe, o esperábel é que o bng se absteña, coma Erc e Bildu, e que garde a bala da ap-9 para a votación dos orzamentos. E estaría ben que se centrase na gratuidade da autopista máis do que na transferencia, porque as consecuencias da reconcesión de Aznar na época de Fraga non deberían pagarse cos cartos da Xunta (mirade o que se fai coas radiais de Gallardón en Madrid).

6 Orduño

Pero a alguén lle importa o que digan estes?

1 Fai falta apostar por Gaklicia

Tendo en conta que é o unicos deputado en todo o parlamento español que pide e negocia por e para galicia, pois deberia de importarte a ti. O que esta claro e que non lle imorta aos partidos nacionais nin aos galegos que reniegan de galicia. Pero seguide votando a Podemos a PSOE ou a PP que van traer gran prosperidade para galicia, a fin de contas xa se ve que canto mellor lle vai a Madrid mellor para Galicia...

5 Gamela

Para facer o ridículo sempre estamos a tempo... UPG UPG UPG

4 sermos mantidos

Tedes razón os tres. O BNG vaise abster, total con iso chega para facilitar o goberno do PsoEspañol. Se é preciso votan si e até se inmolan (exemplo Vigo para aupar ao caudillo Abel Caballero). Pois ben o sabedes, os de Izquierda Unida-Podemos só vos queren de figurantes. En calquera caso os galegos imos seguir pagando as autopistas máis caras, no caso de obedecer a intereses galegos BNG e U-Podemos votariades non até acadar a gratuidade que outros teñen xa. Logo sodes inútiles. Igual que os do Partido Podre e o PsoEspañol. Puro postureo e moita mamadurria.